Terezija Kusanović – Darko Kusanović
Za dite moje nerojeno sve meje ću oziðat,
Sve brode potapjat, sa sviman' se karat,
S materon mu kortejavat, a ka' dojde vrime,
Za njega skapavat.
Za dite moje nerojeno sve nevere ću voltat,
Sve poja uzorat, živinu našopat,
S materon mu se jubit, a ka' dojde vrime
Za njeg' se i ubit.
Za dite moje nerojeno sve pertade ću kargat,
Svo lozje potakjat, cil korov iščupat,
S materon mu durat, a ka' dojde vrime
Za život ga fudrat.
|
