Nensi Barić

Pasalo je vrime, već bile vlasi brojin
A bojin se, bojin u sićanja dirat
Jer bodu ka drače i ka vrazi peku
Da bar suzu neku ostave još za me

Libin se kroz kale tragoviman tvojin
A borin se s žejon da u dvor ti uðen
I ka pas da legnen podno tvojih škura
Da bar jednon spokoj dušu mi zanese

Ova duga lita ka zemja bez sunca
Satrlo se tilo brez jubavi
Živit ne bacilan, o' bisa ću skapat
O' jada, o' bola, rad imena tvoga

Jer ga danju zoven i spominjen
A noću u suzan topin i proklinjen
Jer ga danu brez glasa zazivjen
A noću proklinjen i suzan zalijen