Ljubo Stipišić Delmata

Da ove jusne ča su toke jubile
U grebu crnen će crnicu teplu jubit
U mraku škuren će sićanjen blidin
Samo škuri mrak izjubit

Da ove ruke ča gomil' su prinile
Pod pločon prsti goli će gol kamik stizat
Svoj greb ću noktin prikopavat jidan
Trudon se upotit žejan moji' popoji

Na posteji mojon ča san je udila
Da drugi tebe na drivu mojemen jubi
A ja u grebu ću namisto tepline tila tvoga
Zagrist ću u stinju i ponovo umrit