Tomislav Zuppa Moja jube, moj golube! Ka' san poša, ti si rekla: "A ti pojdi ko ti more Ja ću sama nosit brime Tvoje dite, tvoje ime I u suzan topit vrime Moj Marine." Moja jube, moj golube! Rekla si mi kad san poša: "Ko će tvoju robu krpit I mižerju s tobon trpit A mi ćemo ovod patit Oćeš li se i živ vratit? Moj Marine." Moja jube, moj golube! Èa si rekla, sve ti vaja "Ko bi voli siromaja? Nevojne su ovod noći Prazne noći brez spokoja Nije ovo jubav tvoja Jube moja!"
|