Pero Gotovac - Marin Franičević
Kroz godišća ča odzvanjo
Ispod boltih i taracih
Po lantanoh i sularih
Iznad dvorih po selima
I u hladu do kuć starih
Kroz godišća ča odzvanjo
Čujedu se drevni glasi
Nad mistima i selima
Živu judi, zime, lita
A u njima ričih plima
''Ča'' odzvanjo po sve dneve
I oldaje od učelkih
I ponistor s lipin vonjen
Garifulih i bašelkih
''Ča'' odzvanjo priko pjacih
I oldaje od pilaštor
Od mirinih po dvorima
I od škurih i od laštor
Po smirčjima i vrisjima
Drenči ''ča'' u rasvanuća
Po toćima i putima
'Ča'' skonsaje u smarknuća
Meke riči tvardih voltih
Govoridu sve nevoje
Trude, muke i draginje
Brige dici da je boje
Sve prohodi, škoje ostaje
I po njemu ''ča'' prijanjo
Iznad pojih i konalih
Kroz godišća ''ča'' odzvanjo.
|
